Tuesday, February 28, 2012

Google search engine ကို ပရိုတစ်ယောက်လို သုံးရအောင်




နေ့စဉ်လူနေမှုဘ၀တွေမှာ Google ဟာ တော်တော်နေရာယူထားပါတယ်။ မသိတာရှိတာနဲ့ စာအုပ်ထဲမှာ ရှိတဲ့အရာတောင် စာအုပ်လှန်ရှာနေရင် ကြာမှာစိုးတာနဲ့ Google မှာပဲ ရိုက်ချလိုက်တတ်ကြပါတယ်။ ဒီလိုအသုံးဝင်တဲ့ Google Search ကို ထိထိရောက်ရောက်သုံးတတ်ဖို့ အသုံးဝင်လှတဲ့ Search Operator လေးတွေကို အောက်မှာဖော်ပြထားပါတယ်။

(၁) "Aung Myo Thu"
ဒီပုံစံလေးကတော့ ("....") ဒီထဲက စကားလုံးအတိုင်း အတိအကျ ဆိုတဲ့သဘောပါ။ Aung Myo Thu ကိုပဲ ရှာမှာဖြစ်ပြီး၊ Aung Myo, Aung,Thu, Aung Thu စသည်တို့ကို လုံးဝထည့်မစဉ်းစားပါနဲ့လို့ ဆိုလိုတာပါ။

(၂) Linux distribution - ubuntu
ဒီပုံစံကတော့ တစ်ခုခုထဲကမှ ကိုယ့်ရဲ့ Search Result မှာ မပေါ်စေချင်တဲ့ဟာကို ကန့်သတ်တာပါ။ အထက်ကဟာကို ရှင်းရမယ်ဆိုရင်း Linux distribution ဆိုတာကိုပြပါ ubuntu နဲ့ပက်သက်တာမပါစေနဲ့ ဆိုတဲ့သဘောပါ။

(၃) site:mgmyo.com zawgyi
ဒါကတော့ ၀က်ဆိုဒ်တစ်ခုထဲမှာပဲ ရှာခိုင်းတာပါ။ mgmyo.com ထဲက zawgyi နဲ့ ပက်သက်တာတွေ ရှာပေးပါလို့ ဆိုလိုတာပါ။

(၄) ~love
~ လေးကတော့ ရိုက်လိုက်တဲ့ စာလုံးတင်မဟုတ်ပါဘူး။ သူနဲ့ဆက်စပ် ပက်သက်ရာတွေ၊ အဓိပ္ပာယ်တူ စာလုံးတွေပါ ရှာပေးမှာဖြစ်ပါတယ်။

(၅) "shinhan bank purchased *for* dollars"
* ကတော့ ဘယ်အရာဖြစ်ဖြစ်ဆိုတဲ့ သဘောပါပဲ။ အထက်ကဟာမှာဆိုရင် Shinhan Bank ကနေ ဘယ်ဟာကို၊ ဘယ်လောက်နဲ့ ၀ယ်ခဲ့တယ်ဆိုတဲ့ အကြောင်းအရာတွေကို ရှာခိုင်းတာဖြစ်ပါတယ်။

(၆) Myanmar 2008..2012
'..' ကတော့ ခုနှစ် သတ်မှတ်လိုက်တာပါ။ Myanmar နဲ့ ပက်သက်လို့ 2008 to 2012 အထိ အဖြစ်အပျက်တွေကို ပြပေးပါလို့ဆိုလိုတာပါ။

(၇) filetype:pdf Myanmar
ဒါကတော့ ဘယ်လိုဖိုင်မျိုးကိုပဲ ပြပေးပါဆိုပြီး သတ်မှတ်တာပါ။ Myanmar နဲ့ ပက်သက်လို့ ရနိုင်တဲ့ pdf ဖိုင်တွေကိုပဲပြပေးပါလို့ဆိုလိုတာပါ။

(၈) Myanmar OR Burma
'OR (စာလုံးအကြီး)'  ကတော့ တစ်ခုမဟုတ်တစ်ခုလို့ဆိုလိုတာပါ။ Myanmar သို့မဟုတ် Burma နဲ့သက်ဆိုင်တဲ့ဟာတွေ ရှာပေးပါလို့ဆိုလိုတာပါ။

(၉) define:love
ဒါကတော့ dictionary အနေနဲ့ သုံးလိုက်တာပါ။ တကူးတက dictionary လှန်နေစရာ မလိုတော့ပါဘူး။ Search မှာသာ ခုလိုရိုက်ပြီးရှာလိုက်ရုံပါပဲ။

(၁၀) (5+3)*(4/3)
ဒီကောင်လေးကတော့ Calculator အနေနဲ့သုံးလိုက်တာပါ။ တော်ရုံပေါင်းနှုတ်မြှောက်စားကတော့ Search engine မှာသာ ရိုက်လိုက်ပါ။

(၁၁) 3 feet in inches
ဒီပုံစံကတော့ ယူနစ်တွေတစ်ခုကနေ တစ်ခြားတစ်ခုကို ပြောင်းဖို့ပါ။


ဒီ Operator လေးတွေကတော့ အသုံးများပြီး၊ အသုံးလည်းဝင်တဲ့ Search operator လေးတွေပါပဲ။ အဆင်ပြေကြပါစေဗျာ။

1 comment:

ရွှင်လန်းချမ်းမြေ့ပါစေ။

Related Posts Plugin for WordPress, Blogger...