Friday, January 25, 2013

လေကြောင်းသွားလာရေး အန္တရာယ်ကင်းဘေးရှင်းစေဖို့



မြန်မာ့နိုင်ငံရေး အပြောင်းအလဲနှင့်အတူ ဖြစ်ပေါ်တိုးတက်လာသော စီးပွားရေးအခွင့်အလမ်းများကြောင့် မြန်မာကို ကမ္ဘာတစ်ဝှမ်းက မျက်စိကျနေကြလေသည်။ ကမ္ဘာကျော် Forbes မဂ
္ဂဇင်းကြီးမှလည်း ၂၀၁၃ ခုနှစ်ရဲ့ စီးပွားရေးဖွံ့ဖြိုးမှုအမြန်ဆုံးဟာ မြန်မာ၊ မွန်ဂိုလီးယားနှင့် ယူအေအီး နိုင်ငံတို့ဖြစ်မယ်လို့ ဟောကိန်းထုတ်ထားပြီး၊ လွတ်လပ်သော ဈေးကွက်ကိုသာ အကောင်အထည်ဖော်နိုင်ပါက မြန်မာနိုင်ငံအနေနှင့် အိမ်နီးချင်းထိုင်းနိုင်ငံကဲ့သို့ အခြေအနေမျိုး မုချဖွံ့ဖြိုးတိုးတက်လာမည်ဖြစ်ကြောင်း သကာရည်ထပ်လောင်းထားပါသေးတယ်။

ယခုကဲ့သို့ စီးပွားရေးဖွံ့ဖြိုးတိုးတက်မှု ဖြစ်စဉ်ကြီးတွင် တစ်နေရာမှ တစ်နေရာ မြန်ဆန်လွယ်ကူစွာ ကူးလူးသွားလာနိုင်ရေးသည် ၂၁ ရာစု စီးပွားရေးလုပ်ငန်းများ အောင်မြင်ရခြင်း၏ အဓိကသော့ချက်ဖြစ်ပါတယ်။ ထို့ကြောင့် နိုင်ငံတကာမှ သန်းကြွယ်သူဌေးများသည် ကမ္ဘာအနှံ့သို့ အချိန်မရွေး ခြေဆန့်နိုင်ရန်အတွက် ကိုယ်ပိုင်ဂျက်လေယာဉ်များပင် ထားရှိလေ့ရှိကြပါတယ်။ မြန်မာနိုင်ငံတွင်လည်း ပြည်တွင်းပြည်ပ ခရီးသွားများ၊ စီးပွားရေးလုပ်ငန်းရှင်များ၏ ခရီးသွားလာရေး အဆင်ပြေချောမွေ့စေရန်အတွက် လေကြောင်းခရီးသွားလုပ်ငန်း လိုအပ်ချက်များပေါ်ပေါက်လာခဲ့ပါတယ်။ ထိုကဲ့သို့ နိုင်ငံတော် လိုအပ်ချက်ကို ဖြည့်ဆည်းရန်အတွက် ပု
္ဂလိက လေကြောင်းလိုင်းများ အပြိုင်အဆိုင် တည်ထောင်လာကြပါတယ်။ 

ယင်းသို့ ဖွံ့ဖြိုးတိုးတက်လာသော မြန်မာ့လေကြောင်း ခရီးသွားပို့ဆောင်ရေး လုပ်ငန်းများ၏ စိတ်ချရမှုအပေါ်မှာတော့ ဟဲဟိုးလေဆိပ် လေယာဉ်ပျက်ကျမှုဟာ သံသယပွားစရာတွေ ဖြစ်ခဲ့ရပါတယ်။ သို့သော်လည်း သက်တမ်းနု လေကြောင်းလိုင်းတစ်ခုမှ လေယာဉ်မောင်၊မယ်များ၏ ကြိုးစားအားထုတ်မှုကြောင့် သေကြေဒဏ်ရာရမှု နည်းပါးခဲ့တာကတော့ ချီးကျူးစရာကောင်းလှပါတယ်။  လေကြောင်းခရီးသွားလုပ်ငန်းများအတွက် လိုက်ပါလာသော ခရီးသည်များ၏ အသက်ဘေးအန္တရာယ် ကင်းရှင်းရေးသည် ပထမဦးစားပေး လုပ်ငန်းတစ်ရပ်ဖြစ်ပါတယ်။ လေကြောင်းခရီးစဉ်တစ်ခု အန္တာရာယ်ကင်း ဘေးရှင်းစေဖို့အတွက်ဆိုလျှင် ဂရုစိုက်လိုက်နာရမည့် အကြောင်းအခြင်းများ မြောက်များစွာရှိပါတယ်။


လေယာဉ်မှုး၏အခန်းကဏ္ဍ


လေယာဉ်ပေါ်တွင် လိုက်ပါလာသော အသက်အိုးအိမ်စည်းစိမ်တို့သည် လေယာဉ်၏ အချုပ်ဖြစ်သော လေယာဉ်မှူးတို့၏ လက်ဝယ်တွင် လုံးလုံးလျားလျား ပုံအပ်ထားရလေသည်။ လေယာဉ်မှူးတစ်ယောက်အတွက် လိုအပ်သော လေ့ကျင့်သင်ကြားမှု အမျိုးမျိုးတို့ကို အချိန်မြောက်များစွာယူကာ ခက်ခက်ခဲခဲ သင်ကြားလေ့လာထားပြီးဖြစ်သည့်အတွက် အထူးပြောစရာ လိုမည်မဟုတ်ပေ။ သို့သော်လည်း လူသားတိုင်း အမှားနှင့် မကင်းနိုင်ပေ။ အထူးသဖြင့် အခက်အခဲနှင့် ကြုံဆုံလာသည့်အခါ အမှားမှားအယွင်းယွင်း ဖြစ်တတ်ပါတယ်။ လေယာဉ်မှူးတစ်ယောက်အတွက် သေးငယ်သော အမှားတစ်ခုသည် လိုက်ပါလာသော ခရီးသည်များ၏ အသက်အန္တရာယ်ကို ခြိမ်းခြောက်နိုင်စွမ်း ရှိသည်ကို အမြဲတမ်းနှလုံးမူကာ၊ အထူးသတိ ၀ိရိယရှိသင့်ပါတယ်။ လေယာဉ်ပျံသန်းဖို့ မသင့်တော်က မပျံသန်းခြင်း၊ ဆင်းသက်ရမည့် လေယာဉ်ကွင်းသည် ရာသီဥတုဆိုးရွားကာ ဆင်းဖို့မသင့်တော်ကလည်း နောက်ကြောင်းပြန်လှည့်သင့်က လှည့်သင့်သည်ဟု ရဲရဲဝံ့ဝံ့ပြတ်ပြတ်သားသား ဆုံးဖြတ်သင့်ပါတယ်။

လေကြောင်းလမ်းပြစနစ်များ

လေယာဉ်ပျံသန်းခြင်းသည် တခြားယာဉ်များကဲ့သို့ မျက်စိဖြင့်မြင်နေရသော လမ်းပေါ်တွင် မောင်းနှင်နေခြင်းမဟုတ်ပေ။ မော်တော်ကားမောင်းနှင်ရာတွင် လမ်းတစ်လျှောက်ရှိ လမ်းညွှန်ဆိုင်းဘုတ်များ၊ အန္တရာယ်သတိပေးဆိုင်းဘုတ်များကို မိမိ၏မျက်စိဖြင့်ကြည့်ကာ အသာအယာ မောင်းနှင်နိုင်သော်လည်း လေယာဉ်တစ်စီးအတွက်တော့ ထိုကဲ့သို့ မိမိလမ်းကြောင်းမှန်ကို သိရှိရန်အတွက် လေကြောင်းလမ်းပြစနစ် အမျိုးမျိုးကို အားကိုးကာ ပျံသန်းကြရပါတယ်။ ထို့ကြောင့် လေကြောင်းအီလက်ထရောနစ် ပစ္စည်းများခေတ်မီနေစေရေးသည် လေကြောင်းအန္တရာယ် ကင်းရှင်းရေးအတွက် အထူးအရေးကြီး လှပါတယ်။

နိုင်ငံတကာ စာမျက်နှာများတွင် ဖော်ပြထားချက်အရ ဟဲဟိုးလေဆိပ်သည် Non-Directional Beacon (NDB) လေကြောင်းလမ်းပြစနစ်ကိုသာ တပ်ဆင်အသုံးပြုထားသော လေဆိပ်ဖြစ်ပါတယ်။ တခြားခေတ်မီသော Instrument Landing System (ILS) လေကြောင်းလမ်းပြစနစ်မရှိပေ။ NDB စနစ်သည် အကုန်အကျသက်သာသဖြင့် လေဆိပ်ငယ်များတွင် အသုံးများသော်လည်း ထိုစနစ်သည် ပတ်ဝန်းကျင် တောတောင်အနေအထား၊ ရာသီဥတု အခြေအနေ၊ မိုဘိုင်းဖုန်းကဲ့သို့သော ပတ်ဝန်းကျင် လျှပ်စစ်လှိုင်းများက ပိုင်းလော့များ အားထားရသော Automatic Direction Finder ကို အလွယ်တကူ ဒုက္ခပေးနိုင်ပါတယ်။ ဘေးပတ်ဝန်းကျင်ကို ရှင်းရှင်းလင်းလင်း မမြင်ရသည့်အခါ၊ လေယာဉ်ပြေးလမ်းကို မမြင်ရသည့်အခါမျိုးတွင် ILS စနစ်ကို အသုံးပြုကာ လေယာဉ်ဆင်းသက်ခြင်းကသာ အကောင်းဆုံးဖြစ်ပေမည်။

ထို့ကြောင့် ILS စနစ်တပ်ဆင်ထားသော လေယာဉ်ပြေးလမ်းကို တိတိကျကျ ချဉ်းကပ်ဆင်းသက်နိုင်သော ပြေးလမ်း (Precision Approach Runway) ဟုခေါ်ပြီး NDB စနစ်ကိုသာ တပ်ဆင်ထားသော လေယာဉ်ပြေးလမ်းကိုတော့ တိကျသေချာမှုမရှိဘဲ ချဉ်းကပ်ဆင်းသက်နိုင်သော  ပြေးလမ်း (Non-Precision Approach Runway) ဟုခေါ်ပါတယ်။ ဟဲဟိုးလေယာဉ် ပျက်ကျချိန်တွင် မြူများဆိုင်းနေသည်ကို ထောက်ခြင်းအားဖြင့် ထိုလေယာဉ်ပြေးလမ်းတွင် NDB စနစ်ကိုသာ အသုံးပြုထားခြင်းဟာ လေယာဉ်ပျက်ကျရခြင်း၏ အကြောင်းအရင်းတစ်ရပ်အဖြစ် ဖြစ်နိုင်ချေရှိပါတယ်။

ခရီးသည်များ၏ အသိပညာရေချိန်

ကားစီးရာတွင် ခါးပတ်ပတ်ရသကဲ့သို့ လေယာဉ်စီးရာတွင်လည်း ခါးပတ်ကို သေချာစနစ်တကျ ကိုယ်တွင်ပတ်ထားရပါမယ်။ လေယာဉ်ပျက်ကျခြင်းများတွင် အသက်ဆုံးရှုံးရသူအများစုသည် မိမိတို့၏ခါးပတ်များကို မပတ်ပဲ အမှုမဲ့အမှတ်မဲ့နေသောသူများ ဖြစ်ပါတယ်။ လေယာဉ်ပေါ်သို့ ခွင့်ပြုထားသော အလေးချိန်အတိုင်းသာ မိမိတို့ပစ္စည်းများအား သယ်ဆောင်ခြင်းသည်လည်း အထူးအရေးကြီးလှပါတယ်။ လေယာဉ်တစ်စီးသည် ဒီဇိုင်းစတင်စဉ်းစားစဉ်ကတည်းက အသုံးပြုမည့် အင်ဂျင်၊ တောင်ပံအရွယ်အစားပေါ်မူတည်၍ အလေးချိန် မည်မျှသာ တင်ဆောင်နိုင်မည်ဖြစ်သည်ကို အတိအကျတွက်ချက် ထားပြီးဖြစ်သဖြင့် သတ်မှတ်ထားသော အလေးချိန်ထက် ပိုမတင်သင့်ပေ။

ထို့အပြင် ကန့်သတ်ထားသော ပစ္စည်းများကို လေယာဉ်ပေါ်သို့ တင်ဆောင်ရန် ကြိုးစားခြင်းမှလည်း ရှောင်ကြဉ်သင့်ပါတယ်။ ကမ္ဘာကျော်စက်မှုတက္ကသိုလ်ကြီးဖြစ်သော M.I.T သည်ပင်လျင် လစ်သယမ်ဘက်ထရီများပါသော လျှပ်စစ်ပစ္စည်းများကို သေချာအသိမပေးပဲ တင်ဆောင်မိခြင်းအတွက် ဒဏ်ရိုက်ခံရသော အဖြစ်အပျက်ရှိခဲ့ပါတယ်။ ခရီးသည်များ စည်းကမ်းချိုးဖောက်မှုအများဆုံးမှာ ခေတ်မီလူသုံး အီလက်ထရောနစ်ပစ္စည်းများကို မပိတ်ခြင်း၊ ဆဲလ်ဖုန်းများကို လေကြောင်းအီလက်ထရောနစ် ပစ္စည်းများကို နှောင့်ယှက်နိုင်သော လှိုင်းများမထုတ်လွှင့်နိုင်စေရန် Airplane mode တွင် ထားရှိမှု မရှိခြင်းများဖြစ်ပါတယ်။ မိမိတို့ လေယာဉ်မှူးများသည် သက်ဆိုင်ရာ အီလက်ထရောနစ် ပစ္စည်းများ မှန်မှန်ကန်ကန် အလုပ်လုပ်နေမှသာလျှင် မိမိတို့လမ်းကြောင်းကို သေချာစွာ မြင်နိုင်၊ ပျံသန်းနိုင်မည်ဖြစ်သဖြင့် အတူပူးပေါင်းပါဝင်ကာ စည်းကမ်းလိုက်နာသင့်ပေသည်။

နိုင်ငံတကာအဖွဲ့အစည်းများ


လေကြောင်းသွားလာရေး လုံခြုံစိတ်ချရမှုအတွက် နိုင်ငံတကာ အဖွဲ့အစည်းပေါင်း မြောက်များစွာရှိပါတယ်။ နိုင်ငံတကာ ခရီးသွားများအနေနဲ့ ဘယ်နိုင်ငံက လေကြောင်းလိုင်းတွေဟာ ပိုပြီးစိတ်ချရသလဲဆိုတာမျိုးကို အလွယ်တကူ ရှာဖွေကြည့်နိုင်ပါတယ်။ နိုင်ငံတကာ ခရီးသွားလေကြောင်းလုပ်ငန်းအဖွဲ့ကြီးဖြစ်တဲ့ International Civil Aviation Organization (ICAO) ရဲ့ သတ်မှတ်ထားတဲ့ စံနှုန်းတွေနဲ့ ကိုက်ညီပါက လုံခြုံစိတ်ချရမှု အဆင့် ၁ အဖွဲ့ဝင်နိုင်ငံအဖြစ် သတ်မှတ်ပေးပြီး၊ ကိုက်ညီမှုမရှိပါက အဆင့် ၂ အနေဖြင့် သတ်မှတ်ပေးပါတယ်။


တခြားအဖွဲ့တစ်ခုဖြစ်တဲ့ နိုင်ငံတကာ လေကြောင်းသယ်ယူ ပို့ဆောင်ရေးအဖွဲ့ International Air Transport Association (IATA) အနေနဲ့လည်း ကိုယ်ပိုင်စံသတ်မှတ်ချက်များ ထားရှိကာ အဖွဲ့ဝင်လေကြောင်းလိုင်းများကို စစ်ဆေးလေ့ရှိပါတယ်။ IATA အဖွဲ့ဝင်လေကြောင်းလိုင်းများဟာဖြင့် တခြားလေကြောင်းလိုင်းများထက် အန္တရာယ်ကင်း ဘေးရှင်းတာကို တွေ့ရပါတယ်။ ဥရောပသမဂ္ဂ (EU) ကတော့ သတ်မှတ်ချက်နဲ့ မကိုက်ညီတဲ့ လေကြောင်းလိုင်း ၂၈၀ ကျော်ကို EU နိုင်ငံများအတွင်း ပျံသန်းခွင့် ပိတ်ပင်သည်အထိ အရေးယူထားပါတယ်။ 


နိုင်ငံတကာ လေကြောင်းအဖွဲ့အစည်းများအနေနဲ့ လေကြောင်းအန္တရာယ် ကင်းရှင်းစေရေးအတွက် လုပ်ဆောင်ရာမှာ လေကြောင်းလိုင်းတစ်ခုချင်းအနေနဲ့ လုပ်ဆောင်သည်မဟုတ်ပဲ သက်ဆိုင်ရာနိုင်ငံရှိ အဖွဲ့အစည်းများနှင့်သာ လက်တွဲလုပ်ဆောင်လေ့ရှိပါတယ်။ မြန်မာနိုင်ငံအနေဖြင့်လည်း ခရီးသွားလာပြည်သူများ၏ ဘေးအန္တရာယ် ကင်းရှင်းစေရေးအတွက် မည်သည့် နိုင်ငံတကာ အဖွဲ့အစည်းများနှင့် လက်တွဲလုပ်ဆောင်မည်၊ မည်သို့သော အဖွဲ့အစည်းများ ဖွဲ့စည်းသင့်သည်၊ မည်သို့သော ပြည်တွင်းရှိ တက္ကသိုလ်၊ အစိုးရအဖွဲ့အစည်းများနှင့် လက်တွဲလုပ်ဆောင်မည် အစရှိသည်တို့ကို စတင်စဉ်းစားကာ အကောင်အထည် ဖော်သင့်သောအချိန်အခါပဲဖြစ်ပါတယ်။


ပညာပေးအစီအစဉ်များ


လေကြောင်းဖြင့် ခရီးသွားလာခြင်းသည် ယခင်က လူကုံထံအသိုင်းအ၀ိုင်းမှ လူများအတွက်သာဖြစ်သော်လည်း ယခုကဲ့သို့ အရှိန်အဟုန်ဖြင့် စီးပွားရေး ဖွံ့ဖြိုးတိုးတက်လာသော အချိန်ကာလတွင်မူ လူသားတိုင်း မဖြစ်မနေ အသုံးပြုရမည့် ခရီးသွားလာမှု ပုံစံတစ်ရပ်ဖြစ်လာပေပြီ။ လေကြောင်းခရီးသွားလာရေးနှင့် ပက်သက်လျှင် မြန်မာနိုင်ငံသူ၊သားတို့ အနေဖြင့် အသိပညာပိုင်းဆိုင်ရာ လိုအပ်ချက်များ ရှိနေမည်မှာ ဧကန်ဖြစ်ပါတယ်။


လေယာဉ်လိုက်ပါစီးနင်းက လိုက်နာရမည့် စည်းကမ်းများ၊ မတော်တဆ လေယာဉ်ပျက်ကျပါက အရေးပေါ်ရေဒီယိုလှိုင်းကို မည်သို့ဖွင့်ရမည်၊ လေယာဉ်နှင့် ဝေးရာသို့သွားကာ အကူအညီ ရှာသင့်မရှာသင့် စသည်တို့ကဲ့သို့ အခြေခံ သိရှိသင့်သည်များကို အထက်တန်းကျောင်းများ၊ တက္ကသိုလ်၊ ကောလိပ်အသီးသီးသို့ သွားရောက်ကာ သရုပ်ပြရှင်းလင်းပြောကြား ပညာပေးခြင်းဖြင့် ပြည်သူများလည်း အသိပညာရသကဲ့သို့ မိမိတို့လေကြောင်းလိုင်းအားလည်း တီဗွီမှာကြော်ငြာတာထက် ပိုမိုထိရောက် သက်သာသော နည်းလမ်းဖြင့် ကြော်ငြာပြီးသား ဖြစ်သွားပေမည်။ 


ထိုကဲ့သို့ စီးပွားရေးလုပ်ငန်းများနှင့် တက္ကသိုလ်၊ ကောလိပ်၊ အဖွဲ့အစည်းများ နှစ်ဦးနှစ်ဖက် အပြန်အလှန် အကျိုးရှိနိုင်သော ပူးပေါင်းဆောင်ရွက်မှုများကို ကဏ္ဍအသီးသီးတွင် ကြိုးစားကာ ပုံဖော်သင့်ပေသည်။ မြန်မာ့ပညာရေး တိုးတက်မြင့်မားအောင် ပြန်လည်တည်ဆောက်ရာတွင်လည်း အစိုးရတစ်ဦးတည်းကသာ ကြိုးစားနေရုံဖြင့် မလုံလောက်ပေ။ စီးပွားရေးလုပ်ငန်းရှင်များဘက်မှ မည်ကဲ့သို့ ပူးပေါင်းပါဝင် ဆောင်ရွက်နိုင်သည်ကို နည်းလမ်းရှာကာ အတူတကွ ကြိုးစားသင့်ပေသည်။


ဆိုင်းဝိုင်းတစ်ဝိုင်းကောင်းဖို့ တူရိယာပညာရှင်မြောက်များစွာ တက်ညီလက်ညီ၊ အပေးအယူမျှမျှ ပါဝင်တီးခတ်ရသကဲ့သို့ မြန်မာ့လေကြောင်း အောင်မြင်တိုးတက်စေရေး၊ မြန်မာ့ပညာရေး စီးပွားရေးပြန်လည် ဦးမော့လာဖို့အတွက် ငွေရှင်၊ကြေးရှင်၊ ပညာရှင်များစွာ လိုအပ်သဖြင့် အားလုံးဝိုင်းဝန်း ကြိုးစားပေးကြဖို့လိုအပ်လှပေသည်။



မောင်မျိုး(စက်မှု)

The Voice Weekly
Vol. 9, No. 4

No comments:

Post a Comment

ရွှင်လန်းချမ်းမြေ့ပါစေ။

Related Posts Plugin for WordPress, Blogger...